Full Image

Single Greeting Card (with matching Envelope)

Code: VH BWW M19 SGC
Price: US$5.00

Detail (for reference)

Reproduction on 8x12'' sheet

Code: VH BWW M19 8x12
Price: US$30.00

Reproduction on 12x18'' sheet

Code: VH BWW M19 12x18
Price: US$60.00

The Water O' Wearie's Well

There came a bird out of a bush,

On water for to dine;

And, sighing sair, says the king's daughter,

"O wae's this heart o' mine."

He's ta'en a harp into his hand,

Hie's harpit them a' asleep;

Except it was the king's daughter,

Wha ae wink couldna get.

He's loupin' on his berry-brown steed,

Ta'en her on behind himsell;

Then baith rade down to that water

That they call Wearie's Well.

"Wade in, wade in, my lady fair,

Nae harm shall thee befall;

Aft times hae I water'd my steed

Wi' the water o' Wearie's Well."

The first step that she steppit in,

She steppit to the kneww;

And, sighing says this lady fair,

"This water's nae for me." –

"Wade in, wade in, my lady fair,

Nae harm shall thee befall;

Aft times hae I water'd my steed

Wi' the water o' Wearie's Well."

The neist step that she steppit in,

She steppit to the middle;

"O," sighing says this lady fair,

"I've wat my gowden girdle." –

"Wade in, wade in, my lady fair,

Nae harm shall thee befall;

Aft times hae I water'd my steed

Wi' the water o' Wearie's Well."

The neist step that she steppit in,

She steppit to the chin;

"O," sighing says this lady fair,

"That this should gar twa true-loves twin!" –

"Seven kings' daughters I've drownèd there,

I' the water o' Wearie's Well;

And I'll make ye the eight o' them,

And ring the common bell." –

"Since I am standing here," she says,

"This dowie death to dee:

One kiss o' your comely mouth,

I'm sure wad comfort me."

He loutit him o'er his saddle bow,

To kiss her cheek an' chin;

She's ta'en him in her armès twa,

And thrown him headlong in.

"Sin' seven kings' daughters ye've drownèd there,

I' the water o' Wearie's Well,

I'll mak' ye the bridegroom to them a',

And ring the bell mysell."

And aye she warsled, and aye she swam,

And she wam to dry land;

And thankit God most cheerfullie,

For the dangers she overcam.