"Edward, Edward"

Vernon Hill

Ballads Weird and Wonderful (1912)

 

 

 

Full Image

Single Greeting Card (with matching Envelope)

Code: VH BWW M12 SGC
Price: US$5.00

Detail (for reference)

Reproduction on 8x12'' sheet

Code: VH BWW M12 8x12
Price: US$30.00

Reproduction on 12x18'' sheet

Code: VH BWW M12 12x18
Price: US$60.00

 

 

Edward, Edward

 

   

"Why does your brand sae drap wi' blude,

Edward, Edward?

Why does your brand sae drap wi' blude?

And why sae sad gang ye, O?"

"I, I hae kill'd my hawk sae gud,e

Mither, mither:

O, I hae killd' my hawk sae gude,

And I hae nae mair but he, O."

 

"Your hawk's blude was never sae red,

Edward, Edward:

Your hawk's blude was never sae red,

My dear son, I tell thee, O."

"I, I haw kill'd my red-roan steed,

Mither, mither:

O, I hae kill'd my red-roan steed,

That was sae fair and free, O."

 

"Your steed was auld, and ye hae gat mair,

Edward, Edward:

Your steed was auld, andye had gat mair,

Some ither dule ye dree, O."

"O, I hae kill'd my father dear,

Mither, mither:

O, I hae kill'd my father dear,

Alas! and wae is me, O."

 

"And whatten penance will ye dree for that,

Edward, Edward?

And whatten penance will ye dree for that?

My dear son, now tell me, O."

"I'll set me feet in yonder boat,

Mither, mither:

I'll set my feet in yonder boat,

And I'll fare o'ver the sea, O."

"And what will ye do wi' your towers and ha',

Edward, Edward?

And what will ye do wi' your towers and ha',

That were sae fair to see, O?"

"I'll let them stand till they down fa',

Mither, mither:

I'll let them stand till they down fa',

For her never mair maun I be, O."

 

"And what will ye leave to your bairns and wife,

Edward, Edward?

And what will ye leave to your bairns and wife,

When ye gang o'er the sea, O?"

"The warld's room; let them beg through life,

Mither, mither:

The warld's room; let them beg through life,

For them never mair will I see, O."

 

"And what will ye leave to your mither dear,

Edward, Edward?

And what will ye leave to your mither dear?

My dear son, now tell me, O."

"The curse of hell frae me sall ye bear,

Mither, mither:

The curse of hell frae me sall ye bear,

Sic counsels ye gied to me, O."